.
السلام عليكم ورحمة الله وبركاته
بوست اليوم حتكلم فيه عن ارواج بورجوا الفيلفت يلا نبدا
هما منزلين 12 لون اتوقع مني متاكده وانا حسويلكم ريفيو عن 3 الوان حبيتها من المجموعه❤️❤️
تتميز الارواج دي بانها اول مانمدها على الشايف تكون كريميه وبعدها تقلب مات و ماتقطع الشفايف وشكلها حلو ومرتب على الشايف واهم شي مانحتاج محدد قبلها و تجلس تقريبا5 ساعات وبعدها تبدا تخف شويا
.
.
.
اول لون : الاحمر على عودي رقمه 08
لون جدا جميل ومناسب للشتاء والسهرات ❤️ ابدا ما انصح فيه للجامعه و للدوام يدي لوك اوفر
.
.
اللون الثاني : نود على وردي رقمه 07
اللون يجنن قليله عليه مناسب لجميع الفصول السنه 😂 وانصح فيه للجامعه والدوام والسهرات وهوا المفضل عندي من الثلاثه الالوان كلها ❤️
.
.
اللون الثالث : اورنج على بنك ممكن يكون كدا وصفو رقمه 04
لون مناسب للصيف اكتر شي وحلو ادا دمجتو مع لون فاتح ❤️
.
.
من بين الثلاثه الالوان انصحكم في اللون النود حتستفيدو منو كثير لانو زي ماقلت ينفع دوام و جامعه ومناسابت
ومناسب لكل فصول السنه 😍
اماكن الشراء : سنتربوينت ، صيدلية بوتس
وبسس كدا خلصت اول ريفيو ليا ان شاءالله افدتكم بشي
و اي وحده جربت الارواج تكتبلي فالتعليقات رايها 😊
.
.
دمتم بخير ❤️
