السلام عليكم و رحمة الله وبركاته
كيفكم ياحلوين 💜
بوست اليوم عن كيف تسوي مكياج للجامعه خفيف وحلو
ويبرز ملامحك و فنفس الوقت ماياخذ وقت معاكي ٥ دقايق بس و تكوني جاهزه😍
مو شرط تستخدمي نفس الماركات الي ذكرتها دوري عن البديل الي يناسبك بس يعطي نفس النتيجه تقريباً
"اخر البوست حيكون في لوكات صباحيه مناسبه للدوام"
ويلا نبدأ
اول شي واهم من المكياج كريم حماية من الشمس عشان تحمي وجهك من التصبغات او الحروق او تحسس البشره
و مو بس تحطيه على الوجه كمان على اليدين عشان ماتسير يدك لونين
برايمر عشان البشره تكون مرطبه " مو كل البرايمرز ترطب زي كات فون دي بعضها يكون ترطيبها بسيط او مخملي احرصي يكون البريمر حقك للجامعه يرطب كويس "
برايمر كات فون دي مررره حلو ترطيبه
ادا حابه تشتريه من هنا
كريم الاساس انا عن نفسي ما افضله لكل يوم و لما تحطيه كل يوم حيسبب مشاكل للبشره كثيره
ممكن تحطيه مره في الاسبوع ادا حابه او مرتين بالكثير وحبذا مو يومين ورا بعض
استبدليه ب فيك اب من بنفت كونسيلر مرطب
يعطي تغطيه خفيفه و كنها طبيعيه
ادا حابه تشتريه من هنا
وادا حابه تحطي كريم اساس انصحك هيلو فلوليس من بنفت
يعطي تغطيه خفيفه وادا تبغيها متوسطه تقدري تبني عليها
ادا حابه تشتريه من هنا
البلشر الالوان الي على بنك او البرونزيه حلوه للصباح تعطي لوك ناعم
هولا برونز من بنفت ينفع كمان بلشر بس بشكل خفيف
الحجم دا صغير حلو للشنطه
ادا حابه تشتريه من هنا
الحواجب مره مهم تكون مرتبه احسها هيا اساس اللوك الصباحي يعني ممكن استغني عن كل الي تكلمت عنهم بس الحواجب ما اقدر لازم ارتبها بشكل طبيعي
ادا حواجبك كثيفه ومرسومه بس ثبتيها بمسكارا للحواجب شفافه زي دي من انستازيا ثباتها حلو
ادا حابه تشتريها من هنا
ادا حواجبك مرسومه و مرتبه بس يبغالها تعبيه استخدمي جيمي برو من بنفت تجنن دي المسكارا
ادا حابه تشتريها من هنا
ادا حواجبك خفيفه ويبغالها رسم استخدمي دي من بنفت مره حلوه بودر+ جل او شمع في علبه وحده
ادا حابه تشتريها من هنا
الي في الرابط نفسها بس البكج جديد + توفرت درجات منها
المسكارا رولر لاش حلوه للصباح
وفي منها مني مناسب للشنطه
ادا حابه تشريها من هنا
الارواج احلى شي للصباح البنك الي مايل على نود
الكحل : حاولي لا تخرجي عن دي الالوان حلوه للعين ومناسبه للصباح
وادا حابه تسوي آيلينر سويه بالبني و ادمجي اطرافه عشان مايسير حاد
لوكات صباحيه للدوام
سوي زي الايلينر دا يجنن وناعم 😍
الحواجب كمان ناعمه و طبيعيه
وبس بكدا خلص البوست ان شاءالله تكون سنه جميله عليكم ودرجاتكم عاليه ❤️
دمتم بحب ❤️
