السلام عليكم ورحمة الله وبركاته
اليوم ح ابداء اول سلسلة ليا فالمدونه اتمنى انكم تستفيدو منها ❤️
اول منتج مسكاراة سيفورا المبرومه: توعدنا دي المسكارا بالكثافه و عكف الرموش
اول ما اشتريتها انصدمت من الفرشه الشعيرات حقتها زي ما انتم شايفين صغيره مره
وقلت لازم اجربها واشوف الكلام صحيح ولا لا وفعلاً كانت تعمل كثافه وتعكف الرموش وجداً حبيتها
احسها تنفع اكتر شي للدوام وللخرجات البسيطه 💜
.
.
تاني منتج لب ستيك سيفورا : من اجمل الب ستيك الي جربتها فحياتي مدري اكلمكم عن اللون ولا ريحتو
اللون بنك اكتر على نود ثباتو حلو كمان يجلس ٣ ساعات ريحتو تجنن ريحة الفل بالزبط هيا الب ستيك دا 💜💜💜
سار مايخرج من شنطتي لازم معايه 💜
^
رقم الب ستيك 💜
.
.
اول شي الصوره دي مو من تصويري من النت 🙈
المنتج التالت موزيل مناكير سيفورا: جربت نفس الي فالصوره لاظافر اليد والتاني حق اظافر الرجل " انتو بكرامه "
كلهم زي بعض فالبدايه حبيتو مره لانو يشيل المناكير بسرعه وبعدها بفتره لاحظت اسمرار حولين الاظافر وتركتو بنسبه ليا فاشل مره
.
.
وفالاخير ادا الشي ناسبني امكن مايناسبك والعكس صحيح .
.
.
دمتم بحب 💜
