السلام عليكم ورحمة الله وبركاته
بوست اليوم حتكلم فيه عن جهاز ازالة الجلد المتشقق والمتصلب من نزيه
.
.
فالبدايه حابه اقلكم انو " جمال المرأه مايكمل الا بجمال وصحة قدميها "
وعادي تطلع بس المهم كيف نعالجها ونهتم فيها عشان ترجع القدم نظيفه وبصحتها ومايكون منظرها مقزز.
.
.
اسباب تشقق القدم :
١- جفاف الجلد و تراكمات الجلد الميت على
الكعبين خاصة مع قلة الترطيب فيكون الجلد اقل مرونة و اقل قدرة على التمدد
مع جفاف الجو فتحدث التشققات
٢-المشى بقدمين حافيتين فى المنزل
٣-قلة شرب السوائل و سوء التغذية
٤-عدم العناية بالقدمين, و عدم وضع كريمات مرطبة
.
.
طرق الوقاية:
١- شرب كميات كبيرة من السوائل
٢- الترطيب اليومى لقدميك بكريم سميك القوام
٣-المشى بحذاء على السيرميك
٤-ارتداء الجوارب القطنية
.
.
و ذحين حنتكلم عن الجهاز وطريقة استخدامي له :
طريقته انو يبردلنا التشققات لين تسير ناعمه بس
اما شكل التشقق مايختفي من اول مره على الاقل اسبوع مع الاهتمام اكيد
الطريقه
الي سويتها و اختفت منها التشققات مع الاستمرار ولو ما استمريتي حترجع
تاني كنك م سويتي شي هيا " اول شي اغسل القدم بالماء وانشفها كويس وبعدها
ابدا ابردها بالجهاز لين احس انو الرجل سارت ناعمه واغسلها تاني بالماء
وارطبها بفازلين والبس شراب وانام احب اسويها قبل م انام عشان ما امشي
وتستفيد القدم من الفازلين اكتر .
.
.
يجي مع الجهاز راسين بنك وازرق
الراس البنك: للجلد الخشن
عن نفسي دا الراس م استفدت منو البرد حقو مو حلو زي الازرق
الراس الازرق : للجلد شديد الخشونة
الراس دا استفدت منو حتى لما يكون التشقق خفيف عكس البنك م يسوي شي
طبعاً انصح فيه ويستاهل المدح
مكان الشراء: نزيه
السعر ١٥٠ ريال
وبكدا خلصنا بوست اليوم ان شاءلله استفدتو منو لو بشي بسيط
.
.
دمتم بحب ❤️
ليست هناك تعليقات:
إرسال تعليق