تجربتي في الطلب من موقع سيفورا السعودية

السلام عليكم ورحمة الله وبركاته

.

.

مساء / صباح السعاده 

كيفكم يا حلوين ايش مسوين ❤️

من زمان عن التدوين و اعتذر عن الانقطاع بسبب الاختبارات و ضغط الدراسه

بس ان شاءالله كلها اسبوعين وارجع انزلكم بوستات خلوكم قريب❤️❤️

بوست اليوم مره جميل لدرجة ماقدرت أأجلو لبعد الاختبارات 

كملو الموضوع  للاخير الرابط اخر شي

انا اعرف تقريباً من ٥ شهور انو في موقع سيفورا الإمارات و التوصيل بس لهم وتوقعت للأمانه انهم حيوصلو للسعوديه قريب ودايم اشيك عليهم وكدا المهم وقبل فتره لاحظت انو العلم لما احط الماوس عليه يجي علم السعودية تحتو واكيد سويت كلك على علمنا وانفتحت صفحه مكتوب فيها قريباً مررره انبسط وقتها وكل يوم اشيك 

و يوم السبت تاريخ 2017/5/6 الموقع فتح معايه من الفرحه جلست انطنط ههههههههه 🙈

طبعاً لنو فالمدينة المنورة مافي سيفورا للاسف اتمنى يفتحو متخيلين اطلع جده عشانو ودحين سار اي احد فالسعودية يطلب منو بكل راحه ❤️❤️

سار معايه موقف وياليت مايتكرر بعد كدا هوا اني طلبت يوم السبت وبعدها امكن اقل من ١٠ دقايق اتصلو واكدو الطلب وسألت الي كلمتني متى توصل قالت من ٣ الى ٧ ايام عمل قلت اوكي 

ومر اليوم الاول و التاني و التالت شكيت انو الطلبيه ماحتوصل حتى رقم تتبع مافي 

واتصلت عليا موظفه من سيفورا امس انو الطلبيه اتلغت كلها لنو واحد من الطلبات كان ليمتد اديشن ومخلص قلت يلا خيره و رجعت طلبت تاني و وصل اليوم متخيلين يعني وصل خلال ٢٤ ساعه تقريباً😍

.

 في البدايه وصل كدا وزي ما انتو شايفين ستكر انو يتحط في التلاجه عشانو ميك اب 

.

حبيت علبة السعادة 😍 

انا طلبت التغليف يكون هديه اهدي نفسي قبل الاختبارات 🙈

.

و دا البوكس الي جوا بوكس السعادة 

.

كدا من جوا الطلبات انا ماطلبت منتجات كتير 

لانو عندي منتجات اشتريها من سيفورا لما سافرت قبل شهر وحنزلكم هيا قريب

و زي ما انتو شايفين اخترت ٣ عينات مجانيه منهم 

.

طلبت منBecca 

Sunchaser palette

اتوقع انها من مجموعه بيكا الجديده 

مره حبيتها عباره عن هايلايتر و بلاشر و برونزر 

سعره : ١٥٩ ريال

.

.

طلبت فرشاة تنظيف البشره من FOREO

دايم اسمع عنو ريفيو واتحمست اجربو اخذت الحجم الصغير ادا ناسبت بشرتي حشتري الكبيره

سعره: ١٨٤ ريال

 و بلسم الشفاه من ماركة SEPHORA من منتجاتهم الجديده

 سعره: ٢٩ ريال

.

وبكدا خلصت مشترياتي ومبروووك علينا تدشين موقع سيفورا السعودية ❤️

و دا رابط الموقع ❤️

.

دمتم بحب 💜