.
السلام عليكم ورحمة الله وبركاته
بوست اليوم حتكلم في عن تجربتي في الطلب من موقع ماك + مشترياتي من تخفيضات ماك
اول شي التخفيضات 25% حتخلص يوم الجمعة 10 مارس 2017
يلا نبدأ 💜
.
.
في البدايه حتكلم عن تجربتي في الطلب من الموقع كانت قبل اسبوعين تقريباً
و لما اطلبت كان في عرض خمسه عينات تجي مع كل طلب
طلبتو فجر يوم الخميس و وصلني السبت الصباح هوا المفروض يوصل ثاني يوم بس عشان الجمعه اجازه
كان مغلف في كرتون ثاني في ستكر تلاجه يحطو فيها اتوقع عشان مايخرب المكياج وتنفصل المواد عن بعض
حبيت الحركه ادا كدا قصدهم
.
.
يجي كدا اول مافتحتو الظرف جوتو الفاتوره حبيت اهتمامهم في التفاصيل 💜
.
.
كدا شكلها الفاتوره
.
.
وكدا من جوا الطلب + الكيس الي في العينات المجانيه " فرحانه فيها اكثر من الطلب هههههههه 🙈😂
.
.
طلبت CONCEAL AND CORRECT DUO
فكرتو انو يصحح المناطق الداكنه فالوجه بشكل احترافي
يجي اربع درجات انا اخذت درجةRICH YELLOW/BURNT CORAL
سعرو:132 ريال
.
.
و دي العينات
من اليمين الي اليسار حقلكم ايش رسلو
FALSE LASHES EXTREME BLACK MASCARA
STROBE CREAM HYDRATANT LUMINEUX
NATURAL RADIANCE BASE LUMIERE
CLEANSE OFF OIL
PRO EYE MAKEUP REMOVER
.
.
ومع كل طلبيه يخيروكي تختاري عطر من عطورهم الجديده
انا اخترت الموف ريحتو ماعجبتني بس كثير عجبهم
و سولد اوت فالموقع
.
اخر التدوينه حكتبلكم رأي فالطلب + رابط الموقع
.
دحين نجي لمشترياتي من التخفيضات
.
.
اخدت فاونديشن STUDIO FIX FLUID SPF 15
سعرو قبل الخصم 174 ريال وبعد الخصم 130.50ريال
.
.
اخذت كمان ثلاثه ارواج
اسعارهم قبل الخصم 108ريال وبعد الخصم 81ريال
.
.
DIVA
.
.
TWIG
.
.
BRICK-O-LA
.
وبس كدا خلصت من المشتريات
رأي فالطلب من الموقع مرررره رهيب امكن يعيبو سعر الشحن احس مره كثير 65ريال
بس ادا طلبتي ب550ريال يسر الشحن مجاني
وان شاءالله حرجع اشتري منو ادا كنت حشتري ب 550 او ادا كنت ابغى شي مخلص من المحل
ودا الرابط
وبس كدا خلصت مشترياتي ياحلوين
اكتبولي فالتعليقات ادا مجربين شي من الي اشتريتو ❤️
.
.
دمتم بحب 💜
ليست هناك تعليقات:
إرسال تعليق