السلام عليكم ورحمة الله وبركاته
كيفكم ياحلوين
بوست اليوم ريفيو عن روج هدى بيوتي
اول مره شفتها في سيفورا دبي قبل سنه وكل الناس متجمعه على الكورنر تبعها لدرجة تحمست اجربها بس انصدمت انو الروج طالع من العلبه و أول ما مسكتها الاروج انعدمت يدي سارت كلها روج فكنسلت انو اشتريها "طبعاً اتكلم انا عن التستر مو الي تكون جديده ومغلفه "
وقبل 3 شهور مريت سيفورا جده و قررت اشتريه من كثر ما اشوف الاجانب يحطو واقرر بنفسي ادا حلو ولا لا
- ارواجها مات " مخملية "
-البكج حلو و مرتب بس احس انو اللون من العلبه افتح شويا من اللون لما اجربو على يدي >> ان شاءالله فهمتوني 😂
- ريحة الروج ماعجبتني
- تركيبة الروج خفيفه ماتحسي انك حاطه شي على شفايفك ودا شي كويس
- ينشف الشفايف
- شويا يدبق على الشفايف
- اكثر شي يقهر فيه يبين بشكل مره واضح الخطوط في الشفايف
- ثباته تقريباً ٣ الى ٤ ساعات بعدها يبدأ اللون يخف من الشفايف من جوا
- تقدري تبني عليه طبقات بس اكيد اللون حيغمق ويسير شويا فيه حدود
و دا شكل الفرشه حسيتها عاديه زي اي فرشة
دا سواتش للون للامانه لونه يجنن
درجة الروج :Trophy Wife
سعره : 100 ريال
وبس دا ريفيو سريع عن روج من ارواج هدى بيوتي
اتمنى انها تتحسن ارواجها وتسير جودتها اعلى .
دمتم بحب ❤️
ليست هناك تعليقات:
إرسال تعليق