السلام عليكم و رحمة الله وبركاته
كيفكم ياحلوين
بوست اليوم حيكون عن صبغة ريفوليوشن revolution alfaparf
دي الالوان المتوفره منها كلها صريحه وادا تبغي تسوي الوان الباستيل ادمجي اللوان الابيض مع اللوان الي تبغيه يسير باستيل و ما تحتاج اوكسجين .
انا اشتريتها تقريباً قبل سنه وما استخدمتها واخيراً قررت اصبغها على شعري
في البداية دورت عن ريفيوز عنها مالقيت ما ادري ليه محد جربها قبل كذا
فكرتها انها مؤقته اسبوعين وتروح يعني للي حابه تغير وتجرب الوان جريئة تجربها بس لازم لازم لازم يكون شعرك فاتح يعني مثلاً اشقر فاتح او من درجات الاشقر
و لا تسوي سحب لون عشان صبغة اسبوعين وتروح ينعدم الشعر على الفاضي
الالوان الي اشتريتها ازرق و ارجواني
كلها الوان صريحه
و دي الالوان شايفين كيف واضحه و صريحه
نجي دحين " لرأيي وتجربتي "
اول شي جربتها على خصلتين من شعري كل وحده لون تركتها 30 دقيقه وغسلتها
ما شفت لون حسيت كني ماصبغت قلت امكن عشان خصله مو واضح الون وصبغتها على الشعر كلو على اساس يوضح بس ماوصلتها للفروه كنت ابغا اسوي دا الشكل
بس للاسف ما صبغ ولا لون انقهرت مره
اي وحده نفسها تصبغها ادا شعرها مو من درجات الاشقر لا تفكر تصبغها بس تتعب على الفاضي .
- نقاط حبيتها في الصبغه:
1- ريحتها حلوه وما تصدع
2- ماتنشف الشعر و ما يسير جاف
3- اللوان مايصبغ في الملابس و المخدات بما انها اللوان صريحه ف دا الشي كويس مره بس المنشفه عشان الشعر فيه مويا شويا تنعدم
- نقاط ماحبيتها في الصبغه:
1- تتعب في الغسيل ماتنزل بسرعه
2- لازم لما تغسلي شعرك اول مره منها تكوني لابسه قلفز " قفاز" عشان يدك ماتقلب زرقاء و ارجواني زيي 😂😂
3-كل ما تاخذي شور ينزل اللوان من شعرك
في الاخير ادا الشعر فاتح اكيد حتطلع حلوه
اشتريتها من صيدلية النهدي سعرها 39 او 29 ريال تقريباً في دا الحدود
دمتم بحب ❤️
القاها في صيدلية غير النهدي ؟؟
ردحذفوالله ما ادري بس ان شاءالله تلاقيها في اي صيدلية كبيره
حذفانا سحبت اون وصبغت ازرق وطلع زيتي ليه؟
حذفاحسها جابت لي الشيب من بديت استخدمها
ردحذفيوم تروح مايبقاء لها اثر ابدا ؟
ردحذفللامانه انا شعري وقتها كان غامق فما يبين ادا كان باقي اثر او لا
حذفاذا شعرك فاتح ع اشقر او اورنج يبقى لو أثر واحتمال يقلب ع لون ثاني
حذفعندي سؤال ذلحين شعري ولامره صبغته لونه اسود تطبع الصبغه عليه؟؟؟؟؟
ردحذفاتمنى تردي
حذفلا ما حيبين اللون ابداً
حذفلا ياعيني مايطلع
حذفابغا اصبغ وردي حيجي؟
ردحذفادا شعرك غامق لا ماحيبين
حذفانا ساحبه شعري قبل شهر والحين اشتريته تصبغني ع طول؟
ردحذفما ادري ياقلبي انا ذكرت شعري غامق فما بين بس انتي جربي وعلى فكره هيا مؤقته يعني مع كل مره تغسلي شعرك يخف اللون احتمال ٥ غسلات ويختفي اللون
حذفشكراً عالموضووووع مره شكراً كنت محتاااره ودي اشتريها واغير لون شعري بس شفت انه مامنها فايده لانه شعري غامق
ردحذفعفواً ياقلبي
حذفايوا اكيد مادام شعرك اشقر
ردحذفاذا سويت سحب لون قبل احط الصبغه ووصلت لدرجه فاتحه بيضبط طيب؟
ردحذفايوه بإذن الله انا سحبت لون و بعدها صبغت قعد اللون معايا من شهرين ل 3 شهور و بعدها تغير ل للون ثاني
حذفشكرا لانك تكلمتي عنها مالقيت اي احد تكلم عنها طبعا انا ساحبه لون شعري وصبغت الالوان واااضضضحه ورهيبه مره عجبتني وتطول ع الشعر يمكن اكثر من شهرين ماتروح ذا الشي السيء لان ابغى كل شهر لون��صعب تروح كمان نفسي احد يتكلم عن اللون الشفاف انا اشتريته وبقي ما استعملته
ردحذفالعفوو ياعيني ❤️ بالنسبه للون الشفاف اعتقد يفتح لون الصبغة اذا كانت غامقة جربي على خصله حطي من اللون الاساسي وشويا من الشفاف اخلطيها مع بعض وشوفي ايش يطلعلك
حذفيممه تو جربت وشوي واغسل شعري يدي انصبغت وردي😭😭😭😭😭 لازم تلبسو قلفز
ردحذفيب مره لازم تلبسو قلفز
حذفياجماعه احد يفيدني وين احصلها في الرياض؟
ردحذفياجمعه احد يفدني وين احصلها في الرياض؟
ردحذفتلاقيها في صيدلية النهدي
حذفماحصلة اللون الازرق في النهدي وين احصله
ردحذفشعري غامق وابغا اشتري اللون السيلفر منها ف بس بستفسر حيبان؟
ردحذفما اتوقع في لون سيلفر
حذفبنسبه للون ذكرت اذا شعرك فاتح او مسحوب لونه ايوا حيبان بسس مايطول اللون على الشعر
يعطيكي العافيه،، مررره شكرا جا في وقته 🌹
ردحذف🌷
حذفحابه اقولكم انا شعري بني غامق وهل اذا صبغت لون ازرق بيبان وكم مدتها وتروح ؟
ردحذفلا ماحيبان اللون
حذفاسبوعين تقريبا وتروح
حابه اقولكم انا شعري بني غامق وهل اذا صبغت لون ازرق بيبان وكم مدتها وتروح ؟
ردحذفحابه اقولكم انا شعري بني غامق وهل اذا صبغت لون ازرق بيبان وكم مدتها وتروح ؟
ردحذفانا شعري كستنائي هل راح يطلع لون ولا بحطه على الفاضي؟
ردحذفانا مسويه بروتين الصبغه تخربه ولا لا ؟
ردحذفكم شهر وتروح؟
ردحذف