السلام عليكم ورحمة الله وبركاته
كيفكم يا حلوين
ورجعتلكم مع بوست جديد بعد انقطاع شهر تقريباً 🙈
و بوست اليوم ريفيو عن اربعه مسكرات جربتهم
ويلا نبدأ ❤️
LE VOLUME DE CHANEL
مسكرتي المفضلة والي احبها مره شانيل لي فوليوم دي
فرشتها جداً دقيقه تغطي الرموش من الجذور و سوادها جميل تعطي طول وكثافه وتقدري تبني عليها اكثر من طبقه و مره خفيفه على الرموش و ماتتكتل و تعطي العين حجم اكبر
احسها تغني عن الرموش الاصطناعيه والي يعجبني اكثر فيها تسوي زي خط الايلاينر تحت جذور الرموش العلويه
اعتبرها مسكارا انيقة
.
ROLLER LASH BENEFIT
مسكرة بنفت رولير لاش
فرشتها بطلة تعكف الرموش وتطولها وتكثف بنسبه بسيطه ولانها تعكف الرموش حتدينا وساع في العين بشكل جميل وتخليكي مصحصحه تنفع للميك اب اليومي او الدوام والبكج مره جميل مو شي غريب على بنفت احب التعليب حقهم مره كيوت
.
GRANDIOSE LANCOME
مسكرة لانكوم سوادها عادي تعطي طول حلو كثافتها عاديه ماتنشف بسرعه
تكتل شويا عن نفسي ماحبيتها
.
الجميل فيها البكج بس
.
OUTRAGEOUS CURL
مسكرة اوتريجس كيرل من سيفورا
اتكلمت عنها هنا
بس ابغا ازيد على الكلام الي قلتوها انها تطول الرموش كمان
فتدينا طول وكثافه وعكفه للرموش
.
صورة لفرش المسكرات الي تكلمت عنهم مع بعض للي حابه تقارن بينهم
وبس بكدا خلص ريفيو اليوم ادا في عندكم مسكارا حابين اجربها واكتبلكم ريفيو عنها اكتبولي في التعليقات
دمتم بحب ❤️
ليست هناك تعليقات:
إرسال تعليق